Best of Season 1 - Part 1

Best of Season 1 - Part 1

what a rewarding journey this has been, we have published 50 episodes so far, sharing my favorite poetry of the first 10 episodes.  It covers the work of Manzar Bhopali, Iqbal Ashhar, Tahir Faraz, Azm Shakri, Dr. Nadeem Shad, Waseem Barelvi, Dr. Bashir Badr, Ahmad Faraz, Rajesh Reddy & Khumar Barabankvi.

I intend to record the Best of Season 1 - Part 2 soon.

Abdul Raoof Siddiqui
email: raoof3@yahoo.com
Instagram @urdu.ghazal
Visit our website: www.mstn.in

https://www.buymeacoffee.com/abdulsiddiqui

#urdughazal #urdupoetry #mainshayartohnahinpodcast #bestofseason1

Thanks for listening! Follow us on instagram @urdu.ghazal and visit our website www.mstn.in

Transcript

Doston - Mujhe behad khushi ho rahi hai ke “Main Shayar toh Nahin podcast ke pachaas episode pore ho gaye hain”. Is safar mein, Mujhe bohot sikhnay ko mila, maine kai ghalatiyaan bhi ki, kai baar talffuz theek nahin raha, Main Urdu ka ek talib-e-ilm hun, Mujhe ummed hai, kotaiyoun ko nazar andaaz Kardiya hoga aapne.

Mujhe Khyaal aaya ke main “Best of Season 1” banoun aur chand episodes mein mukhtallif episodes se liyay gayay mere pasandida ashaar sunaoun.

Aap logon se bada pyaar mila. Badi khushi hoti thi jab bhi aap log baatate thay ke aap is Urdu Adab kay podcast ka lutf le rahay hain. Aapko yeah episode kaisa laga zaroor batayen. 

You can reach me on instagram 

@urdu.ghazal 

email: raoof3@yahoo.com 

aur Hamari website hai www.mstn.in ke zariye bhi rabta mayam kar saktay hain.

Is Safar ki shuraat September 20th 2020 ko hui - Pehla episode tha Manzar Bhopali par

Manzar Sahab BEHTAREEN SHA.IR HAIN

Saree duniya mein Aisa koi mulk nahin hoga, jahan urdu ki mahfileen sajti haiN AUR jahan Manzar Bhopali ko bade ehtaraam se bulaya nahin gaya hoga.

Mushairon ke mehboob, Manzar Sahab Takhriban  Chalees (40) baras se, badi miyari shayari kar rahe hain aur ham sab ka dil JEET CHUKE hain.

Inko Urdu aur Hindi donoun ZABAANON pe badA UBOOR haasil  hai. 

Badi meethi si boli mein baat kartay hain. 

Mohabbat kay shai,r hain, aur unkay tarannum ka kya kehna….

mushairay loot letay hain, apnay haseen tarannum say.

वोकहींतोमिले,वोकभीतोमिले

ख़्वाबमेंहीसही, ज़िंदगीतोमिले

दिलमेंआनेकीहसरत, बहुतदिनसेहै

कुछइजाज़तमगर. आपकीभीतोमिले

ज़िंदगीकाटदेंगे, गलीमेंतेरी

जानेमन, हमकोतेरीगलीतोमिले

आदमियतको, आँखेंतरसनेलगी

इसजहांमेंकहीं, आदमीतोमिले

हमभीकहदेंगे, घरमेंबहारआईहै

कोईडालीचमनमें, हरीतोमिले

आओमिलकरजलाएं, दिएप्यारके

इनअंधेरोंमें, कुछरोशनीतोमिले

मुझकोरावणहीरावण, मिलेफकत

ज़िंदगीमेंकोई, रामभीतोमिले

zulf o ruḳh ke saa.e meñ, zindagī guzārī hai 

dhuup bhī hamārī hai, chhāñv bhī hamārī hai

ġham-gusār chehroñ par, e'tibār mat karnā 

shahr meñ siyāsat ke dost bhī, shikārī hai 

moḌ lene vaalī hai, zindagī koī shāyad 

ab ke phir havāoñ meñ, ek be-qarārī hai 

haal ḳhuuñ meñ Duubā, hai kal na jaane kyā hogā 

ab ye ḳhauf-e-mustaqbil, zehn zehn taarī hai 

mere hī buzurgoñ ne, sar-bulandiyāñ baḳhshīñ 

mere hī qible par. mashq-e-sañg-bārī hai 

ik ajiib ThanDak hai, is ke narm lahje meñ 

lafz lafz shabnam hai, baat baat pyārī hai 

kuchh to pā.eñge, us kī qurbatoñ kā ḳhamyāza 

dil to ho chuke TukḌe, ab saroñ kī baarī hai 

baap bojh Dhotā thā, kyā jahez de paatā 

is liye vo shahzādī, aaj tak kuñvārī hai 

kah do 'mīr' o 'ġhālib' se, ham bhī sher kahte haiñ 

vo sadī tumhārī thī, ye sadī hamārī hai 

karbalā nahīñ lekin, jhuuT aur sadāqat meñ 

kal bhī jañg jaarī thī, ab bhī jañg jaarī hai 

gaañv meñ mohabbat kī, rasm hai abhī 'manzar' 

shahr meñ hamāre to, jo bhī hai madārī hai

Iqbal Ashhar - Episode 2

Hindustaan ke ba-kamaal shaiar Iqbal Ashhar sahab ka kalaam suna aap ne. Baday Suljhayhua aur Sanjida Shair hain, Badi umda shayari Kartay hain.

Hamari Dar-ul-hukumat Dehli se hain. Jo Ghazal ki Riwayatein Mir aur Ghalib se chalee aa raahin hain, unhe bakhoobi nibha rahe hain…

Mushairoun ke Raunaq Hain Iqbal Ashhar Sahab.

Jab Iqbal Ashhar chotay thay, unki valda unhe Shakeel Badayuni ka kalaam padkar sunaya karti thi. Jab Bachpan se aisi aala shaa.iri ghutti mein mila kar pila di gayi ho,

Toh kyun na vo apna rang dikhlayegi.

Ek ghazal suniye…

Thahrī Thahrī sī tabī.at meñ, ravānī aa.ī 

aaj phir yaad, mohabbat kī kahānī aa.ī 

aaj phir niiñd ko, āñkhoñ se bichhaḌte dekhā 

aaj phir yaad koī, choT purānī aa.ī 

muddatoñ ba.ad, chalā un pe hamārā jaadū 

muddatoñ ba.ad, hameñ baat banānī aa.ī 

muddatoñ ba.ad, pashemāñ huā dariyā ham se 

muddatoñ ba.ad, hameñ pyaas chhupānī aa.ī 

muddatoñ ba.ad, khulī vus.at-e-sahrā ham par 

muddatoñ ba.ad, hameñ ḳhaak uḌānī aa.ī 

muddatoñ ba.ad, mayassar huā maañ kā āñchal 

muddatoñ ba.ad, hameñ niiñd suhānī aa.ī 

itnī āsānī se, miltī nahīñ fan kī daulat 

Dhal ga.ī umr, to ġhazloñ pe javānī aa.ī 

================

Hum ko hamare sabr ka, khoob sila diya gaya

Yani dawa na dii gayi, dard badha diya gaya

Unki Murad hai yahi, khatm na ho ye teergi

Jisne zara badai Lau, usko bujha diya gaya

Phir ye kahaa gaya ke aap, shauq se Saans Li jiye

Pehle havaye shahar mein, zehr mila diya gaya

Ahl-e-sitam ko raat phir daawat-e-Raqs dii gayi

Aur baraye raushni Shehar jaala diya gaya

Munkir-e-karbala hue, dard mein mubtala hue

Hum ko bhi ek Yazeed ka, Daur dikha diya gaya

===============================

Episode 3 ke nausha thay Tahir Faraz

Dabistaan-e-Rampur se talluq rakhte hain, jo ek iskool ki haisiyat se bhi ubhra. Apnay khoobsurat tarannum aur meyari shaa.iri se Tahir Faraz ne kai mushairay luut liye.Kul Hind aur aalami mushaairon ke mehboob shaai.r hain.

ġham is kā kuchh nahīñ hai, ki maiñ kaam aa gayā 

ġham ye hai qātiloñ meñ, tirā naam aa gayā 

jugnū jale bujhe, mirī palkoñ pe sub.h tak 

jab bhī tirā ḳhayāl, sar-e-shām aa gayā 

mahsūs kar rahā huuñ, maiñ ḳhushbū kī bāzgasht 

shāyad tire laboñ pe, mirā naam aa gayā 

kuchh dostoñ ne pūchhā, batāo ġhazal hai kyā 

be-sāḳhta laboñ pe, tirā naam aa gayā 

maiñ ne to ek laash kī, dī thī ḳhabar 'farāz' 

ulTā mujhī pe qatl kā, ilzām aa gayā 

Agli jo nahm sungen jaa raha huun usta unvan hai “Maai” Tahir Faraz Kehte hain ke Vo is Nazm ko Ibaadat ki Tarah padte hain

Amber Ki Yeh Unchai, Dharti ki Ye Gahrai, Saagar ki Yeh Gehrai

Teray Man mein hai Samaayi, Maai O Maae

Tera mann Amrit Ka Pyala, Yehi Kaaba, Yehi Shivala

Teri Mumta Jeevan Daae, Maai O Maae

Jee Chahe, Teray Saath Rahun, Main Ban Ke Tera Humjoli

Tere Haath na Aoon, Chup Jaon, Yun Khelon Ankh Micholi

Parion Ki Kahani Sunake,

Koi Meethi Lori Gaa Ke, Karday Sapne Sukhdae,

Maae O Maae

Sansar ke Taane Baane se, Ghabrata hai mann mera

In Juthay Rishtay Naton mein, Bas Pyaar hai saccha tera

Sab Dukh Sukh mein Dhal jaaye, Teri Baahe.n Jo Mil Jaye

Mil Jaye Mujhe Khudaa.e, Maae O Maae

Jaday Ki Thanndi Raaton Mein, Jab Der Se Mein Ghar Aaon (2)

Halki Si Dastak Per Apni, Tujhe Jaagta hua mein Paao.n

Sardi Se Thithur ti Jaae, Thanda Bistar apnae

Mujhe Dekay Garam Razai

Tera mann Amrit Ka Pyala, Yehi Kaaba, Yehi Shivala

Teri Mumta Jeevan Daae, Maae, O Maae

Phir Koi Shararat Ho Mujhse, Naraaz karon Phir Tujhko

Phir Gaal PeThappi Maar ke, tu Seenay se laga le  Mujko

Bachppan Ki Pyaas Bhuja De,

Apany haathon se Khila de, Pallu Mein Bandhi Mithai

Maae, O Maae

=================

Azm Shakri Episode 4

Classiqi Ghazal ke rasiya.  Jinhone kabhi ghazal ka daaman nahi choda. Unka ek ålåg hi andaaz hai. Azm Shakri Kahte hain, sab logon ke ghum ek jaisse hote hain.

Azm Shakri ki ghazlen suntay hue, samaeen bahut mutassir hotay hain, aur apni apni kahani mein kho jaate hain. Alami or Kul-hind mushairon mein unhe baday pyar se, suna jaata hai.

Lakhon Sadme, Dheron Ghum 

Phir Bhi Nahin Hai, Ankhen Num

Ek Muddat Se, Roye Nahin 

Kya Pathar Ke, ho Gaye Hum

Yun Palkon Per, Hai Aansoo 

Jaise Phulon Per, hai  Shabnam

Hum Us, Jungal Mein Hain 

Jahan Dhoop Zyaada, Saaye Kum

Ab Zakhmo’n Mein, Taab Nahin

Ab Kyon Laaye Ho Marhum

Lakhon Sadme Dheron Ghum

=====

tīrgī meñ, sub.h kī tanvīr, ban jā.eñge ham 

ḳhvāb tum dekhoge, aur ta.abīr ban jā.eñge ham 

ab ke ye sochā hai, gar āzād tum ne kar diyā 

ḳhud hī apne paañv kī, zanjīr ban jā.eñge ham 

āñsuoñ se likh rahe haiñ, bebasī kī dāstāñ 

lag rahā hai dard kī, tasvīr ban jā.eñge ham 

likh na paa.e, jo kisī kī nīm-bāz ā.ankhoñ kā raaz 

vo ye va.ada kar rahe haiñ, 'mīr' ban jā.eñge ham 

gar yuuñ hī baḌhtā rahā, din raat shuġhl-e-mai-kashī 

ek din is mai-kade ke, piir ban jā.eñge ham 

us ne bhī auroñ ke jaisā, hī kiyā ham se sulūk 

jo ye kahtā thā, tirī taqdīr ban jā.eñge ha

===============

Episode 5 Nadeem Shad

Mere Pasandeeda sha.ir Dr. Nadeem Shad, Deoband se taluq rehte hain. Buniyadi taur par classiqi ghazal ke shah.r hain, bada khoobsurat tarannum hai unka.

Pardes mein kya mehsoos karein, barish ka maza, mitti ki mahek

Jab gaanv mein apnay hoti hai, barsaat se khushboo aati hai

Mujhe pardes mein rehkar, barabar yaad aata hai

Woh toota sahi lekin, bahut ghar yaad aata hai

Gila to yeh hai, hamaare hi intekhab se hain

Hamare shahar ko, makhtal banane wale log

Naseeb Dekheye, Kachhi Zameen Pe Sootay Hain

Hamare Wastay, Makhmal Bananay Waale Log.

Ab Ye Bhi Nahin Kehtay, Ke Marnay ke Nahin Hum

Mar Jayenge par aap se, Darnay ke Nahin Hum

Ye Jism Kahe jaata, hai bas aur faqat bas

Aur Zakhm kahtay hain, ke Bharnay ke Nahin Hum

Tumse Bichde To Socha tha bas, ek Jaan Se Alag Ho Gaye

Aba Laga ek jaan se nahin, Do jahan se Alag ho Gaye

Ai Watan Rah Ke Pardes Mein, aise ghut ghut ke, rowtay thay hum

Jaise Bacchay kisi bheed mein, Apni maa se alag ho gaye

Dastaan likhnay waale ne toh, Sab Hamare hi khoon se likha

Aur Sitam Dekhiye phir hum hii, dastaan se alag hogaye

Kya kaha aap ko chod kar, hum jiyenge aji chodiye

Kya Suna hai sitare kabhi, asmaan se alag ho gaye

Tum Khuda to nahin ho Nadeem, Ek Din tum bhi mar jaoge

Phir takabbur bhala kis liye, Tum Kahan se alag ho gaye

=========

Waseem Barelvi - Episode 6

Zahid Hassan Waseem jo Waseem Baerlvi ke naam se jaanay jaate hain. Kai kitabon ke musannif hain. Unki ghazlon ko kai bade singers, jaise Jagjit Singh ne gaaya. Unhe bade adab se suna janta hai. Unakay kai sher viral ho chuke hain. 

Kai ejazaat se nawaza jaa chuka hai.

usūloñ par jahāñ aañch aa.e, Takrānā zarūrī hai 

jo zinda ho to, phir zinda nazar aanā zarūrī hai 

ham is liye, na.ī duniyā ke saath chal na sake 

ki jaise rañg ye badlī hai, ham badal na sake

hādsoñ kī zad pe haiñ, to muskurānā chhoḌ deñ 

zalzaloñ ke ḳhauf se, kyā ghar banānā chhoḌ deñ 

===================

aate aate, mirā naam sā rah gayā 

us ke hoñToñ pe kuchh, kāñptā rah gayā 

raat mujrim thī, dāman bachā le ga.ī 

din gavāhoñ kī saf meñ, khaḌā rah gayā 

vo mire sāmne hī gayā, aur maiñ 

rāste kī tarah, dekhtā rah gayā 

jhuuT vaale, kahīñ se kahīñ baḌh ga.e 

aur maiñ thā ki, sach boltā rah gayā 

āñdhiyoñ ke irāde, to achchhe na the 

ye diyā kaise, jaltā huā rah gayā 

us ko kāñdhoñ pe, le jā rahe haiñ 'vasīm' 

aur vo jiine kā haq, māñgtā rah gaya

===============

kyā dukh hai samundar ko, batā bhī nahīñ saktā 

aañsū kī tarah aañkh tak, aa bhī nahīñ saktā 

tū chhoḌ rahā hai, to ḳhatā is meñ tirī kyā 

har shaḳhs mirā saath, nibhā bhī nahīñ saktā 

maiñ is umiid pe Duubā, ki tū bachā legā 

ab is ke ba.ad, mirā imtihān kyā legā 

ye ek mela hai, va.ada kisī se kyā legā 

Dhalegā din, to har ik apnā rāsta legā 

maiñ bujh gayā, to hamesha ko bujh hī jā.ūñgā 

koī charāġh nahīñ huuñ, ki phir jalā legā 

kaleja chāhiye, dushman se dushmanī ke liye 

jo be-amal hai, vo badla kisī se, kyā legā 

maiñ us kā ho nahīñ saktā, batā na denā use 

lakīreñ haath kī, apnī vo sab jalā legā 

hazār toḌ ke aa jā.ūñ, us se rishta 'vasīm' 

maiñ jāntā huuñ, vo jab chāhegā bulā legā 

Bashir Badr - Episode 7

Bashir Badr Sahab ka Tarruf karana zaruri nahin hai. Vo Urdu adab ke living legend hain. Bashir Badr sahab ko Sahitya Akademi Award aur Padamshree se nawaaza  ja chuka hai. 

He is well versed not just in Urdu but also in  Persian, Hindi and English. Unki Kayi Kitaben Shaya ho chuki hain, Aisa kaha jaata hai ki unho nein 7 baras ki kachi umr Se, Sher kahne shuru kiye thay.

Sher Shayari ya mushairon ki dinuiya mein hi nahin, unhonay urdu adab mein bhi apna khaas mukhaam banaya hai.

Unki Khasiyat ya badappan tha ki bol chaal ki bhasha - spoken language mein sher kehtay thay…

Chaliye Hindustaan ke Maqbool Shayar Dr. Bashir Badr ka kalaam suniye.

ḳhudā ham ko aisī, ḳhudā.ī na de 

ki apne sivā, kuchh dikhā.ī na de

log TuuT jaate haiñ, ek ghar banāne meñ 

tum taras nahīñ khāte, bastiyāñ jalāne meñ 

mujh se bichhaḌ ke, ḳhush rahte ho 

merī tarah, tum bhī jhūTe ho 

=============

yūñhī be-sabab na phirā karo, koī shaam ghar meñ rahā karo 

vo ġhazal kī sachchī kitāb hai, use chupke chupke paḌhā karo 

koī haath bhī na milā.egā, jo gale miloge tapāk se 

ye na.e mizāj kā shahr hai, zarā fāsle se milā karo 

abhī raah meñ, ka.ī moḌ haiñ, koī aa.egā, koī jā.egā 

tumheñ jis ne dil se bhulā diyā, use bhūlne kī duā karo 

mujhe ishtihār sī lagtī haiñ, ye mohabbatoñ kī kahāniyāñ 

jo kahā nahīñ, vo sunā karo, jo sunā nahīñ, vo kahā karo 

================

kabhī husn-e-parda-nashīñ bhī ho, zarā āshiqāna libās meñ 

jo maiñ ban sañvar ke kahīñ chalūñ, mire saath tum bhī chalā karo 

nahīñ be-hijāb vo chāñd sā, ki nazar kā koī asar na ho 

use itnī garmī-e-shauq se, baḌī der tak na takā karo 

ye ḳhizāñ kī zard sī shaal meñ, jo udaas peḌ ke paas hai 

ye tumhāre ghar kī bahār hai, use āñsuoñ se harā karo 

================

kabhī yuuñ bhī, aa mirī aañkh meñ, ki mirī nazar ko, ḳhabar na ho 

mujhe ek raat navāz de, magar is ke ba.ad sahar na ho 

vo baḌā rahīm o karīm hai, mujhe ye sifat bhī atā kare 

tujhe bhūlne kī duā karūñ, to mirī duā meñ asar na ho 

====

ġhazloñ kā hunar, apnī āñkhoñ ko sikhā.eñge 

ro.eñge bahut lekin, aañsū nahīñ ā.eñge 

kah denā samundar se, ham os ke motī haiñ 

dariyā kī tarah tujh se, milne nahīñ ā.eñge 

vo dhuup ke chhappar hoñ, yā chhāñv kī dīvāreñ 

ab jo bhī uThā.eñge, mil jul ke uThā.eñge 

jab saath na de koī, āvāz hameñ denā 

ham phuul sahī lekin, patthar bhī uThā.eñge 

Ahmad Faraz - episode 8

Ahamad Faraz sahab ne bahut maqbooliyat hasil ki hai. 

Apnay duar ke behtareen shaairon me se ek Rahe. 

Unho ne ghazal ko naye andaaz diye hain.

Faraz sahab un shaiaron mein se hain, jinhe kisi ek khittay mein mahdood kar ke nahin rakha jaa sakta. 

He doesn’t belong only to Pakistan. He has a universal appeal. Duniya mein, jahan jahan Urdu boli aur samjhi jaati hai, wahan ke sab log unhe bahut pyaar aur ehteraam se Sunten hain. 

Unkay Kalaam mein Rumaniyat, Aam insaan ka Dard aur ehtejaaj chalakta hai.

Unke visaal ke baad bhi, Unki shaairi zinda hai, aur inshallah taa qayamat zinda rahegi. 

muntazir kab se, tahayyur hai, tirī taqrīr kā 

baat kar, tujh par gumāñ hone lagā, tasvīr kā 

karūñ na yaad, magar kis tarah, bhulā.ūñ usay

Ghazal bahāna karūñ, aur gungunā.ūñ use 

———

Wohi ishq, jo tha kabhi junoon, ussay roz-gaar bana diya

Kahin zakhm bech k aa gaye, kahin sher koi suna diya.

Kabhi qissa Tere Visaal Ka, Jo kisi se kahna na chahiye

Kabhi Daagh Tere Firaaq Ka, Sare-Anjuman Hi dikha Diya

—————

shiddat-e-tishnagī meñ bhī, ġhairat-e-mai-kashī rahī 

us ne jo pher lī nazar, maiñ ne bhī jaam, rakh diyā 

us ne nazar nazar meiñ hī, aise bhale suḳhan kahe 

maiñ ne to us ke paañv meiñ, saarā kalām rakh diyā 

dekho ye mere ḳhvāb thay, dekho ye mere zaḳhm haiñ 

maiñ ne to sab hisāb-e-jāñ bar-sar-e-ām rakh diyā 

aur 'farāz' chāhiyeñ kitnī mohabbateñ tujhe 

maaoñ ne tere naam par bachchoñ kā naam rakh diyā 

Agli ghazal ched raha huun

ranjish hī sahī, dil hī dukhāne ke liye aa 

aa phir se mujhe, chhoḌ ke jaane ke liye aa 

kuchh to, mire pindār-e-mohabbat kā bharam rakh 

tū bhī to kabhī, mujh ko manāne ke liye aa 

pahle se marāsim na sahī, phir bhī kabhī toh

rasm-o-rah-e-duniyā hī, nibhāne ke liye aa 

kis kis ko batā.eñge, judā.ī kā sabab ham 

tū mujh se ḳhafā hai toh, zamāne ke liye aa 

ik umr se huuñ, lazzat-e-girya se bhī mahrūm 

ai rāhat-e-jāñ, mujh ko rulāne ke liye aa 

ab tak dil-e-ḳhush-fahm ko, tujh se haiñ ummīdeñ 

ye āḳhirī sham.eñ bhī, bujhāne ke liye aa =======

silsile toḌ gayā, vo sabhī jaate jaate 

varna itne to marāsim the, ki aate jaate 

shikva-e-zulmat-e-shab se, to kahīñ behtar thā 

apne hisse kī koī sham.a, jalāte jaate 

kitnā āsāñ thā, tire hijr meiñ marnā jānāñ 

phir bhī ik umr lagī, jaan se jaate jaate 

jashn-e-maqtal hī na barpā huā, varna ham bhī 

pā-ba-jaulāñ hī sahī, nāchte gaate jaate 

Us kī vo jaane, usay pās-e-vafā thā ki na thā 

tum 'farāz' apnī taraf se, to nibhāte jaate 

————————————

dukh fasāna nahīñ, ki tujh se kaheñ 

dil bhī maanā nahīñ, ki tujh se kaheñ 

aaj tak apnī, bekalī kā sabab 

ḳhud bhī jaanā nahīñ, ki tujh se kaheñ 

ek tū, harf-e-āshnā thā magar 

ab zamāna nahīñ, ki tujh se kaheñ 

ai ḳhudā, dard-e-dil hai, baḳhshish-e-dost 

āb-o-dāna nahīñ, ki tujh se kaheñ 

ab to apnā bhī, us galī meñ 'farāz' 

aanā jaanā nahīñ, ki tujh se kaheñ 

=========

Rajesh Reddy - Episode 9

Rajesh Reddy is a contemporary Urdu Poet. His ghazals have been sung by Jagjit Singh and Pankaj Udhaas. 

He uses a simple a language that connects very easily with his listeners. 

I am a big fan of his poetry and I am hoping you will like his work too. 

mire dil ke kisī kone meñ, ik ma.asūm sā bachcha 

baḌoñ kī dekh kar duniyā, baḌā hone se Dartā hai

ye jo zindagī kī kitāb hai, ye kitāb bhī kyā kitāb hai 

kahīñ ik hasīn sā ḳhvāb hai, kahīñ jān-levā azaab hai 

likh likh ke āñsuoñ se, dīvān kar liyā hai 

apne suḳhan ko apnī, pahchān kar liyā hai ======

ye kab chāhā, ki maiñ mash.hūr ho jā.ūñ 

bas apne aap ko, manzūr ho jā.ūñ 

shaam ko jis vaqt ḳhālī haath, ghar jaatā huuñ maiñ 

muskurā dete haiñ bachche, aur mar jaatā huuñ maiñ 

jaane kitnī, uḌaan baaqī hai 

is parinde meñ, jaan baaqī hai 

sar qalam hoñge, kal yahāñ un ke 

jin ke muñh meñ, zabān baaqī hai 

=============

Ek bahut hi pyaari ghazal ched  rahaa huun

ab kyā batā.eñ, TuuTe haiñ, kitne kahāñ se ham 

ḳhud ko sameTte haiñ, yahāñ se, vahāñ se ham 

kyā jaane, kis jahāñ meñ, milegā hameñ sukūn 

nārāz haiñ zamīñ se, ḳhafā āsmāñ se ham 

ab to sarāb hī se, bujhāne lage haiñ pyaas 

lene lage haiñ kaam, yaqīñ kā gumāñ se ham 

lekin hamārī āñkhoñ ne, kuchh aur kah diyā 

kuchh aur kahte rah ga.e, apnī zabāñ se ham 

ā.īne se ulajhtā hai, jab bhī, hamārā aks 

haT jaate haiñ, bachā ke nazar, darmiyāñ se ham 

milte nahīñ haiñ, apnī kahānī meñ, ham kahīñ 

ġhā.eb hue haiñ jab se, tirī dāstāñ se ham 

ġham bik rahe the mele meñ, ḳhushiyoñ ke naam par 

māyūs ho ke lauTe haiñ, har ik dukāñ se ham

=======

Khumar Barabankvi - Ep 10

Apne Duar ke bahut bade shaairon mein se ek rahe. Khumar Sahab ke purane videos dekh kar aisa lagta  hai ke Ghazal Ka Shayar kabhi bouddha nahin ho sakta. 

Khumar Sahab Classiki Ghazal ki abroo hain. Jin dino Tarakkhi pasand tahreek apne urooj pe thi, tab bhi Khumar Sahab ne Ghazal ka Daaman nahin choda. 

Apne khoobsurat tarannum se mushairay Loot Liya Karte thay. Bade Deegar shohra, Jaise ke Ahmad Faraz, Peerzada Qasim, Jaun Eliya aur Majrooh Sultanpuri - Khumaar Sahab ko bade izzat aur ehteraam se sunte thay. Main Bade Adab se unkay kuch ashaar pesh karta huun, tawajjo chaahunga

dushmanoñ se pyaar, hotā jā.egā 

dostoñ ko, āzmāte jā.iye 

dūsroñ par agar, tabsira kījiye 

sāmne aa.ina, rakh liyā kījiye 

had se baḌhe jo ilm, to hai jahl dosto 

sab kuchh jo jānte haiñ, vo kuchh, jānte nahīñ 

yaad karne pe bhī, dost aa.e na yaad 

dostoñ ke karam, yaad aate rahe 

raat baaqī thī, jab vo bichhḌe the 

kaT ga.ī umr, raat baaqī hai 

=======================

vahī phir mujhe, yaad aane lage haiñ 

jinheñ bhūlne meñ, zamāne lage haiñ 

vo haiñ paas, aur yaad, aane lage haiñ 

mohabbat ke hosh, ab Thikāne lage haiñ 

sunā hai hameñ vo, bhulāne lage haiñ 

to kyā ham unheñ, yaad aane lage haiñ 

haTā.e the jo, raah se dostoñ kī 

vo patthar mire ghar meñ, aane lage haiñ 

ye kahnā thā un se, mohabbat hai mujh ko 

ye kahne meñ mujh ko, zamāne lage haiñ 

qayāmat yaqīnan, qarīb aa ga.ī hai 

'ḳhumār' ab to masjid meñ, jaane lage hai

===============

ik pal meñ, ik sadī kā mazā, ham se pūchhiye 

do din kī zindagī kā mazā, ham se pūchhiye 

bhūle haiñ rafta rafta unheñ, muddatoñ meñ ham 

qistoñ meñ ḳhud-kushī kā mazā, ham se pūchhiye 

āġhāz-e-āshiqī, kā mazā aap jāniye 

anjām-e-āshiqī, kā mazā ham se pūchhiye 

jalte diyoñ meñ, jalte gharoñ jaisī, zau kahāñ 

sarkār raushnī kā mazā, ham se pūchhiye 

vo jaan hī ga.e, ki hameñ un se pyaar hai 

āñkhoñ kī muḳhbirī kā mazā, ham se pūchhiye

hañsne kā shauq, ham ko bhī thā, aap kī tarah 

hañsiye magar, hañsī kā mazā, ham se pūchhiye 

ham tauba kar ke mar ga.e, be-maut ai 'ḳhumār' 

tauhīn-e-mai-kashī kā mazā, ham se pūchhiye 

Doston, main Hindostan mein huun is waqt, shaayad aagla episode time par na release kar sakun, 

chand hafton ke baad, Best of season 1 - episode 2 lekar aapki khidmat mein phir aaonga. Tab tak ke liye, ijaazat di jiye. Apna bahut khayaal rakhen, shaad rahen, abaad rahen