Anwar Shuoor

Anwar Shuoor is a popular urdu poet from Pakistan. He was born in Seoni, Madhya Pradesh in 1943. His family migrated to Pakistan at the time of partition in 1947. He has been associated with Sabrang Digest for a long time. He writes for major news papers like Jung. His writings feature regularly in Funoon and other magazines. His published work includes Andokhta, Mashq-E-Sukhan and Me Raqsam

If you like our podcast please share it with your friends. Leave a review. 
Feedback is always welcome.

Abdul Raoof Siddiqui
 email: raoof3@yahoo.com
Instagram @urdu.ghazal
Visit our website: www.mstn.in
https://www.buymeacoffee.com/abdulsiddiqui
 
#urdughazal #urdupoetry #anwarshuoor

Thanks for listening! Follow us on instagram @urdu.ghazal and visit our website www.mstn.in

Transcript

achchhā ḳhāsā, baiThe baiThe, gum ho jaatā huuñ 

ab maiñ aksar, maiñ nahīñ rahtā, tum ho jaatā huuñ 

Yeh sher sunkar aap samajh gaye honge, ke main aaj Anwar Shaoor Sahab ke bare mein baat karunga. Unka ek sher hi kaafi hain unhen hamesha zinda rakhay ke liye.

1943 mein Seoni, MP mein  paida howe, desh ke batware ke baad unka parivar Pakistan ja basa. Ek hache shayar ke alaawa, Bade kamyaab sahafi hain, Sabrang digest jo Karachi se nikalta tha usse kaafi arse tak wabasta rahe.

Badi aasaan si zabaan mein, bade naazuk sher keh dete hain.  Chaliye Anwar Shaoor ka alaam suniye.

=======

Kiya badalon mein Safar, zindagi bhar

Zameen par banaya na ghar, zindagi bhar

Sabhi Zindagi ke Maze Luut-te hain

Na aaya hamen ye hunar, zindagı bhar

Mohabbat rahii, chaar din zindagi mein

Raha chaar din ka asar, Zindagi Bhar

==============

Journalism and literature have had a long association and Anwar Hasan Khan, who writes under the pen name, Shaoor, is one more link of that long chain. He was born on 11 April 1943 in Seoni. When Pakistan came into being, his whole clan moved there. At first, he got associated with Anjuman-E-Taraqqiye Urdu, Pakistan and Akhbaar-e-Jahan. Later, he joined Sabrang digest that was being published from Karachi. Now, his Qata’aat featured in Jung Daily. His writings keep on featuring in Funoon and other magazines. Andokhta Mashq-E-Sukhan and Me Raqsam are the titles of his collection.

ittifāq apnī jagah, ḳhush-qismatī apnī jagah 

ḳhud banātā hai jahāñ meiñ, aadmī apnī jagah 

kah to saktā huuñ, magar majbūr kar saktā nahīñ 

iḳhtiyār apnī jagah, hai bebasī apnī jagah 

kuchh na kuchh sachchā.ī, hotī hai nihāñ, har baat meñ 

kahne vaale ,Thiik kahte haiñ sabhī, apnī jagah 

sirf us ke hoñT, kāġhaz par banā detā, huuñ maiñ 

ḳhud banā letī hai, hoñToñ par hañsī apnī jagah 

dost kahtā huuñ tumheñ, shā.er nahīñ kahtā 'shu.ūr' 

dostī apnī jagah hai, shā.erī apnī jagah 

============

chaman meñ aap kī tarah, gulāb ek bhī nahīñ 

huzūr ek bhī nahīñ, janāb ek bhī nahīñ 

mubāhisoñ kā mā-hasal, faqat ḳhalish, faqat ḳhalal 

savāl hī, savāl haiñ, javāb ek bhī nahīñ 

idhar kisī se kuchh liyā, idhar kisī ko de diyā 

chunāñche vājib-ul-adā, hisāb ek bhī nahīñ 

qavī bhī hai, za.iif bhī, hamārā hāfiza 'shu.ūr' 

maze tamām yaad haiñ, azaab ek bhī nahīñ===========

ye mat pūchho, ki kaisā aadmī huuñ 

karoge yaad, aisā aadmī huuñ 

mirā nām-o-nasab, kyā pūchhte ho! 

zalīl-o-ḳhvār-o-rusvā, aadmī huuñ 

ta.āruf aur kyā, is ke sivā ho 

ki maiñ bhī, aap jaisā aadmī huuñ 

zamāne ke jhameloñ se, mujhe kyā 

mirī jaañ! maiñ tumhārā aadmī huuñ

chale aayā karo, merī taraf bhii! 

mohabbat karne vaalā aadmī huuñ 

guzārūñ ek jaisā vaqt kab tak 

koī patthar huuñ, maiñ yā aadmī huuñ 

'shu.ūr' aa jaao mere sāth, lekin! 

maiñ ik bhaTkā huā sā, aadmī huuñ 

=============

yādoñ ke baaġh se, vo harā-pan nahīñ gayā 

sāvan ke din chale ga.e, sāvan nahīñ gayā 

Aaya thā ittifāq se vo dil meñ ek baar 

phir chhoḌ kar kabhī ye nasheman nahīñ gayā 

har gul meñ dekhtā ruḳh-e-lailā vo aañkh se 

afsos qais dasht se gulshan nahīñ gayā 

rakkhā nahīñ, musavvir-e-fitrat ne, mū-qalam 

shah-pāra ban rahā hai abhī, ban nahīñ gayā

maiñ ne ḳhushī se kī hai, ye tanhā.ī iḳhtiyār 

mujh par lagā ke vo koī qadġhan, nahīñ gayā 

thā va.ada shaam kā, magar aa.e vo raat ko 

maiñ bhī kivāḌ kholne, fauran nahīñ gayā 

=======================

ham apne aap se, begāne thoḌī hote haiñ 

surūr-o-kaif meñ, dīvāne thoḌī hote haiñ 

tabāh, soch-samajh kar nahīñ huā jaatā 

jo dil lagāte hai, farzāne thoḌī hote haiñ 

barāh-e-rāst, asar Dālte haiñ, sachche bol 

kisī dalīl se, manvāne thoḌī hote haiñ 

jo log aate haiñ milne, tire havāle se 

na.e to hote haiñ, anjāne thoḌī hote haiñ 

hamesha haath meñ rahte haiñ, phuul, un ke liye 

kisī ko bhej ke, mañgvāne thoḌī hote haiñ 

na aa.eñ aap, to mahfil meñ kaun aatā hai 

jale na sham.a to, parvāne thoḌī hote haiñ 

kisī ġharīb ko, zaḳhmī kare, ki qatl kare 

nigāh-e-nāz pe, jurmāne thoḌī hote haiñ 

'shu.ūr' tum ne ḳhudā jaane, kyā kiyā hogā 

zarā sī baat ke, afsāne thoḌī hote haiñ