Krishn Bihari Noor

Krishn Bihari Noor was an extraordinary Urdu Poet from India, he was born on 8th November 1926 at Lucknow. Noor sahab was a disciple of Fazal Naqvi and was extremely proficient in both, Urdu and Devanagri scripts. He was primarily known for his ghazals. He was very popular in Urdu Mushairas. His works include, Dukh-Sukh (Urdu), Tapasya (Urdu), Samandar Meri Talash Mein (Hindi) & Hussainiyat Ki Chaaon Mein.  He passed away while undergoing a surgery at a hospital in Ghaziabad on 30th May 2003.

If you like our podcast please share it with your friends. Leave a review. Feedback is always welcome.

Abdul Raoof Siddiqui
email: raoof3@yahoo.com
Instagram @urdu.ghazal
Visit our website: www.mstn.in
https://www.buymeacoffee.com/abdulsiddiqui
 
#urdughazal #urdupoetry #krishnbiharinoor

Thanks for listening! Follow us on instagram @urdu.ghazal and visit our website www.mstn.in

Transcript

Aaj main Krishn Bihari Noor ka kalaam lekar hazir hua huun,

Maine jab jab unka kalaam suna aur pada hai, Krishn Bihari Noor mujhe ek falsafi yaani Philosopher lagtay hain, badi asaan se bhasha mein, jeevan ki sachhai samnay rakhdete thay.

Unki paidaish 1926 mein Lucknow mein hui, Noor sahab Fazal Lakhnavi se Isla liya karte thay, aur unke shagird thay. 

Shuruaat, Krishn Bihari Noor ke kuch chuninda ashaar se, jo mere dil ke bahad kareeb hain

dhartī kā ye safar mirā, jis din huā tamām 

jhoñkā havā kā aayā, uḌā le gayā mujhe 

sach ghaTe yā baḌhe to sach na rahe 

jhuuT kī koī intihā hī nahīñ 

chāhe, sone ke frame meñ jaḌ do 

aa.ina, jhuuT boltā hī, nahīñ 

dariyā meñ, yuuñ to hote haiñ, qatre hī qatre sab 

qatra vahī hai, jis meñ ki, dariyā dikhā.ī de

dekhī, hoñToñ kī hañsī, zaḳhm na dekhe dil ke 

aap duniyā kī tarah, khā ga.e, dhokā kaise 

maiñ to ġhazal sunā ke, akelā khaḌā rahā 

sab, apne apne, chāhne vāloñ meñ kho ga.e 

maiñ kaise, aur kis samt, moḌtā ḳhud ko 

kisī kī chaah na thī dil meñ, terī chaah ke ba.ad 

kaisī ajiib shart hai, dīdār ke liye 

āñkheñ jo band hoñ, to vo jalva dikhā.ī de 

aa.ina ye to batātā hai, ki maiñ kyā huuñ magar 

aa.ina is pe hai ḳhāmosh, ki kyā hai mujh meñ 

itne hissoñ meñ, baT gayā huuñ maiñ 

mere hisse meñ, kuchh bachā, hī nahīñ 

mire hāthoñ kī, lakīroñ ke izāfe, haiñ gavāh 

maiñ ne patthar kī tarah, ḳhud ko tarāshā hai, bahut 

na koī va.ada thā un se, na koī pābandī 

tamām umr, magar un kā, intizār kiyā 

He died while undergoing an operation at a hospital in Ghaziabad on 30th May 2003.

Noor Sahab, 30 Mai, 2003 ko, Ghaziabaad mein ek surgery ke dauraan, chal basay, par unka kalaam zinda hai, waisay toh unki saari ghazlen acchi hain, lekin, agli jo main ghazal aapko sunane jaa raha huun, bas wahi ek ghazal, jab tak urdu aur hindi ke chahnay walay zinda hain, unhen hamesha amar rakhegi. Noor Mar nahin sakta.

apnī rachnāoñ meñ, vo zinda hai 

'nūr' sansār se, gayā hī nahīñ

zindagī se baḌī, sazā hī nahīñ 

aur, kyā jurm hai, patā hī nahīñ 

itne hissoñ meñ, baT gayā huuñ maiñ 

mere hisse meñ, kuchh bachā hī nahīñ 

zindagī maut terī manzil hai 

dūsrā koī, rasta hī nahīñ 

sach ghaTe, yā baḌhe, toh, sach na rahe 

jhuuT kī, koī intihā, hī nahīñ 

zindagī ab batā, kahāñ jaa.eñ 

zahr bāzār meñ, milā hī nahīñ 

jis ke kāran, fasād hote haiñ 

us kā koī, atā-patā, hī nahīñ 

kaise autār, kaise paiġhambar 

aisā lagtā hai, ab ḳhudā hī nahīñ 

chāhe, sone ke frame meñ, jaḌ do 

ā.īna, jhuuT, boltā hī nahīñ 

apnī rachnāoñ meñ, vo zinda hai 

'noor' sansār se, gayā hī nahīñ 

——————————————-

aag hai, paanī hai, miTTī hai, havā hai, mujh meñ 

aur phir, mānñā paḌtā hai, ḳhudā hai, mujh meñ 

ab to, le de ke, vahī shaḳhs bachā hai, mujh meñ 

mujh ko mujh se, jo judā kar ke, chhupā hai, mujh meñ 

jitne mausam haiñ, sabhī jaise kahīñ, mil jaa.eñ 

in dinoñ, kaise batā.ūñ, jo fazā hai mujh meñ 

aa.ina, ye to batātā hai maiñ kyā huuñ, lekin 

aa.ina is pe hai ḳhāmosh, ki kyā hai, mujh meñ 

ab to bas, jaan hī dene kī, hai baarī, ai 'nūr' 

maiñ kahāñ tak, karūñ sābit, ki vafā hai mujh meñ 

=====================

ik ġhazal, us pe likhūñ, dil kā taqāzā, hai bahut 

in dinoñ, ḳhud se bichhaḌ jaane kā, dhaḌkā, hai bahut 

raat ho, din ho, ki ġhaflat ho, ki bedārī ho 

us ko dekhā too nahīñ hai, use sochā hai bahut 

tashnagī ke bhī, maqāmāt haiñ, kyā kyā, yaanī 

kabhī dariyā nahīñ kaafī, kabhī qatra, hai bahut 

mire hāthoñ kī lakīroñ, ke izāfe haiñ gavāh 

maiñ ne patthar kī tarah, ḳhud ko tarāshā hai bahut 

koī aayā hai zarūr, aur yahāñ, Thahrā bhī hai 

ghar kī dahlīz pe, ai ‘nūr’, ujālā hai bahut 

===================================================

tez ho jaatā hai, ḳhushbū kā safar, shaam ke baad 

phuul shahroñ meñ bhī khilte haiñ, magar, shaam ke baad 

us se daryāft na karnā, kabhī din ke hālāt 

sub.h kā bhūlā, jo lauT aayā ho ghar, shaam ke baad 

din tire, hijr meñ kaT jaatā hai, jaise-taise 

mujh se, rahtī hai ḳhafā, merī nazar, shaam ke baad 

tum na kar pāoge andāza, tabāhī kā mirī 

tum ne dekhā hī nahīñ, koī shajar, shaam ke baad 

mere baare meñ, koī kuchh bhī kahe, sab manzūr 

mujh ko, rahtī hī nahīñ, apnī ḳhabar, shaam ke baad 

yahī milne kā samay, bhī hai, bichhaḌne kā, bhī 

mujh ko lagtā hai bahut, apne se Dar, shaam ke baad 

tīrgī ho, to vajūd us kā chamaktā, hai bahut 

DhūñD to lūñgā use, 'nūr' magar, shaam ke baad 

================

jis kā koī, bhī nahīñ, us kā, ḳhudā hai yaaro 

maiñ nahīñ kahtā, kitāboñ meñ likhā hai yaaro 

muḌ ke dekhūñ, toh kidhar aur, sadā duuñ toh kise 

mere maazī, ne mujhe, chhoḌ diyā hai yaaro 

is sazā se toh, mirā jī hī nahīñ bhartā hai 

zindagī kaise, gunāhoñ, kī sazā hai yaaro 

shab hai, is vaqt, koī ghar na khulā pāoge 

aao mai-ḳhāne kā darvāza, khulā hai yaaro 

koī kartā hai duā.eñ, toh ye, jal jaatā hai 

merā jīvan, kisī mandir kā, diyā hai yaaro 

maiñ añdhere meñ rahūñ, yā maiñ ujāle meñ rahūñ 

aisā lagtā hai. koī dekh rahā hai yaaro 

haal kā zaḳhm toh, maazī se bahut gahrā hai 

aaj zaḳhmī, mirā saaya bhī, huā hai yaaro 

intizār, aaj ke din kā thā, baḌī muddat se 

aaj us ne mujhe, dīvāna kahā hai yaaro