Jaan Nisar Akhtar

Jaan Nisar Akhtar was born in 1914 in Gwalior and left for heavenly abode on August 18th, 1976 in Mumbai, India. He left an indelible mark on Urdu Adab as a romantic and revolutionary poet. Jaan Nisar Akhtar’s repertoire contained Ghazal, Nazm, Qita, Rubai & Film songs. He was part of the progressive writers movement. His father Mushtar Khairabadi was a famous Urdu poet & his children Javed Akhtar and Salman Akhtar are also popular poets. Akhtar completed M.A.(Urdu) from Aligarh Muslim University. He is a recipient of Sahitya Akademi award. Akhtar wrote in simple language with extensive use of Hindi words.

If you like our podcast please share it with your friends. Leave a review. Feedback is always welcome and much appreciated.

Abdul Raoof Siddiqui
email: raoof3@yahoo.com
 Instagram @urdu.ghazal
 Visit our website: www.mstn.in
https://www.buymeacoffee.com/abdulsiddiqui
 
#urdughazal #urdupoetry #jaannisarakhtar

Thanks for listening! Follow us on instagram @urdu.ghazal and visit our website www.mstn.in

Transcript

Jaan Nisaar Akhtar ne apni ek khaas chaap chodi hai Urdu Adab par. Progressive writer association ka hissa rahe. Unke Valid Mushtar Khairabaadi bahut bade sha.er thay aur unke bete Javed Akhtar sahab ek behtareen sha.er hain (aap ep. 37 sun sakte hain jo Javed Akhtar sahab par hai) unke aur ek bete, Salman Akhtar bhi ek mashoor academician aur sahib-e-dewaan sha.er hain.

Jaan Nisar Akhtar Sahab ki yogyta ka kya kehna, unhone Ghazal, Nazm, Qata, Rubai aur filmi geet likhe hain, jinhe bahut pasand kiya gaya. Ek baar Javed Akhtar sahab ne ek interview mein batlaaya tha, unke waalid Jaan Nisaar Akhktar ne, unse kaha tha, ke asaan bhasha mein likhna bahut mushkil hota hai aur Jaan Nisaar Sahab Badi Saral si bhasha mein taa-umr likhte rahe.

Unke likhe hue, kai filmi geet, super hit hain, magar waqt ki pabandi ki wajay se chand geeton ke naam bataa raha  huun, Jo Mere all time favorite geeton mein se hain…

- Ai Dil e nadaan, aarzoo kya hai, justaju kya hai - Film Raziya Sultan

-Hum intezaar karenge tera qayamat tak, Khuda karay ke qayamat ho, aur tu aaye - Film - Bahu Begum

-Ye Dil aur unki, Nigaahon ke saaye - Film- Prem Parbat

Chand sheron se shuru kar raha hun, meri taraf mutwajjay jo jayen…

yuuñ to ehsān hasīnoñ ke, uThā.e haiñ bahut 

pyaar lekin jo kiyā hai, to tumhīñ se, ham ne 

ash.ār mire yuuñ to, zamāne ke liye haiñ 

kuchh sher faqat un ko, sunāne ke liye haiñ 

ye ilm kā saudā, ye risāle, ye kitābeñ 

ik shaḳhs kī yādoñ ko, bhulāne ke liye haiñ 

tum bhī is dil ko dukhā lo, to koī baat nahīñ 

apnā dil, aap dukhāyā hai, bahut din ham ne 

hudūd-e-zāt se bāhar nikal ke dekh zarā 

na koī ġhair, na koī raqīb, lagtā hai 

================

aahaT sī koī aa.e, to lagtā hai, ki tum ho 

saaya koī lahrā.e, to lagtā hai, ki tum ho 

jab shāḳh koī, haath lagāte hī, chaman meñ 

sharmā.e, lachak jaa.e, to lagtā hai, ki tum ho 

sandal se, mahaktī huī, pur-kaif havā kā 

jhoñkā, koī Takrā.e, to lagtā hai, ki tum ho 

oḌhe hue, tāroñ kī, chamaktī, huī chādar 

naddī koī, bal khaa.e, to lagtā hai, ki tum ho 

jab raat ga.e, koī kiran, mere barābar 

chup-chāp sī, so jaa.e, to lagtā hai, ki tum ho 

=======================

Log kahte haiñ, ki tū ab bhī ḳhafā hai, mujh se 

terī āñkhoñ ne, to kuchh aur kahā hai, mujh se 

haa.e, us vaqt ko kosūñ, ki duā duuñ yaaro 

jis ne har dard mirā, chhīn liyā hai, mujh se 

dil kā ye haal ki, dhaḌke hī, chalā jaatā hai 

aisā lagtā hai, koī jurm huā hai, mujh se 

kho gayā, aaj kahāñ, rizq kā dene vaalā 

koī roTī, jo khaḌā ,maañg rahā hai, mujh se

ab mire, qatl kī tadbīr, to karnī hogī 

kaun sā raaz hai terā, jo chhupā hai, mujh se============

tū is qadar mujhe, apne qarīb, lagtā hai 

tujhe alag se, jo sochūñ, ajiib lagtā hai 

jise na husn se matlab, na ishq se sarokār 

vo shaḳhs mujh ko, bahut bad-nasīb, lagtā hai

hudūd-e-zāt se bāhar nikal ke dekh zarā 

na koī ġhair, na koī raqīb, lagtā hai 

ye dostī, ye marāsim, ye chāhateñ, ye ḳhulūs 

kabhī kabhī, mujhe sab kuchh, ajiib lagtā hai 

Ek Nazm sunane ja raha hun jiska unwaan hai “KHamoshaawaz”

Jaan Nisaar Akhtar sahab ki shareek-e-hayaat Safia Sirajul Haq ki pehli barsi par Janvari ki ek sard raat ko likhi thii

Safia  Sahiba mashoor sha.er Asrar-ul-Haq Majaaz ki bahen thi