Zubair Ali Tabish

Zubair Ali Tabish is a poet of all moods and shades of life.  His recent anthology 'तुम्हारे बाद का मौसम ' is a fine collection of romance, philosophy and emotion   delicately  woven into nazms, ghazals and couplets. A double bachelor in Chemistry and Urdu language, this young, upcoming  poet  from Nagar Deola, Maharashtra is an absolute  show-stealer at the Mushairas and is extremely popular on social media as well. 

Source: Jashn-e-Rekhta

If you like our podcast please share it with your friends. Leave a review. Feedback is always welcome and much appreciated.

Abdul Raoof Siddiqui
email: raoof3@yahoo.com
 Instagram @urdu.ghazal
Visit our website: www.mstn.in
https://www.buymeacoffee.com/abdulsiddiqui

Thanks for listening! Follow us on instagram @urdu.ghazal and visit our website www.mstn.in

Transcript

Naujavaan shayar Zubair Ali Tabish apni shayari se bahut logon to mutasir kar rahe hain. Yeh ubharte hue shayar bahut popular hain mushairon mein aur social media par bhii 

Jalgaon Maharashtra se talluq hai par sare Hindostaan mein maqbooliyat haasil kar rahe hain.

Unki kitaab “Tumhare Baad ka Mausam” mein aapko rumaniyat, phalsafa aur jazbaat koot koot kar  bhare milenge.

========================

pahle muft meñ pyaas baTegī 

ba.ad meñ ik-ik buuñd bikegī 

kitne hasīñ ho māshā-allāh 

tum pe mohabbat ḳhuub jachegī 

zālim bas itnā batlā de 

kyā rone kī chhūT milegī 

aaj to patthar bāñdh liyā hai 

lekin kal phir bhuuk lagegī 

maiñ bhī pāgal tū bhī pāgal 

ham donoñ kī ḳhuub jamegī 

yaar ne paanī pher diyā hai 

ḳhaak hamārī ḳhaak uḌegī 

duniyā ko aise bhūlūñgā 

duniyā mujh ko yaad karegī 

======

rāste jo bhī chamak-dār nazar aate haiñ 

sab terī oḌhnī ke taar nazar aate haiñ 

koī pāgal hī mohabbat se navāzegā mujhe 

aap to ḳhair samajhdār nazar aate haiñ 

maiñ kahāñ jā.ūñ karūñ kis se shikāyat us kī 

har taraf us ke taraf-dār nazar aate haiñ 

zaḳhm bharne lage haiñ pichhlī mulāqātoñ ke 

phir mulāqāt ke āsār nazar aate haiñ 

ek hī baar nazar paḌtī hai un par 'tābish' 

aur phir vo hī lagātār nazar aate haiñ 

=====

Khaali baithe ho to ek kaam mera kar do na

mujh ko achcha sa koi zakhm ataa kar do na

dhyan se panchiyon ko dete ho dana paani

itne achche ho to pinjire se rihaa kar do na

Isi khushi ne merea dam nikal rakha hai

Ke usne abibhi mera Gham sambhaal rakha hai

Main khaak hi to huun aakhir mera banega kya

Mujhe Kumhaar ne chakkar mein daal rakha hai

======

Sitam dhaate hue soncha karoge

Hamare sath tum aisa karoge

Angothi to muhje lauta rahe ho

Angothi ke nishaan ka kya karoge

Main tumse ab jhagadta bhi nahin huun

To kya is baat par jhagda karoge

Vo Dulhan ban ke russet ho gai hai

Kahan tak car ka pech karoge==========

dil phir us kūche meñ jaane vaalā hai 

baiThe-biThā.e Thokar khāne vaalā hai 

tark-e-ta.alluq kā dhaḌkā sā hai dil ko 

vo mujh ko ik baat batāne vaalā hai 

kitne adab se baiThe haiñ sūkhe paude 

jaise bādal sher sunāne vaalā hai 

ye mat soch sarā.e par kyā bītegī 

tū to bas ik raat bitāne vaalā hai 

īñToñ ko aapas meñ milāne vaalā shaḳhs 

asl meñ ik dīvār uThāne vaalā hai 

gaaḌī kī raftār meñ aa.ī hai sustī 

shāyad ab station aane vaalā hai 

āḳhrī hichkī lenī hai ab aa jaao 

ba.ad meñ tum ko kaun bulāne vaalā hai =======

vo paas kyā zarā sā muskurā ke baiTh gayā 

maiñ is mazāq ko dil se lagā ke baiTh gayā 

jab us kī bazm meñ dār-o-rasan kī baat chalī 

maiñ jhaT se uTh gayā aur aage aa ke baiTh gayā 

daraḳht kaaT ke jab thak gayā lakaḌ-hārā 

to ik daraḳht ke saa.e meñ jā ke baiTh gayā 

tumhāre dar se maiñ kab uThnā chāhtā thā magar 

ye merā dil hai ki mujh ko uThā ke baiTh gayā 

jo mere vāste kursī lagāyā kartā thā 

vo merī kursī se kursī lagā ke baiTh gayā 

phir us ke ba.ad ka.ī log uTh ke jaane lage 

maiñ uTh ke jaane kā nusḳha batā ke baiTh gayā 

========

ab us kā vasl mahñgā chal rahā hai 

to bas yādoñ pe ḳharcha chal rahā hai 

mohabbat do-qadam par thak ga.ī thī 

magar ye hijr kitnā chal rahā hai 

bahut hī dhīre dhīre chal rahe ho 

tumhāre zehn meñ kyā chal rahā hai 

bas ik hī dost hai duniyā meñ apnā 

magar us se bhī jhagḌā chal rahā hai 

diloñ ko toḌne kā fan hai tum meñ 

tumhārā kaam kaisā chal rahā hai 

sabhī yāroñ ke maqte ho chuke haiñ 

hamārā pahlā misra chal rahā hai 

ye 'tābish' kyā hai bas ik khoTā sikka 

magar ye khoTā sikka chal rahā hai 

==========

tumhāre ġham se tauba kar rahā huuñ 

ta.ajjub hai maiñ aisā kar rahā huuñ 

hai apne haath meñ apnā girebāñ 

na jaane kis se jhagḌā kar rahā huuñ 

bahut se band taale khul rahe haiñ 

tire sab ḳhat ikaTThā kar rahā huuñ 

koī titlī nishāne par nahīñ hai 

maiñ bas rañgoñ kā pīchhā kar rahā huuñ 

maiñ rasman kah rahā huuñ ''phir mileñge'' 

ye mat samjho ki va.adā kar rahā huuñ 

mire ahbāb saare shahr meñ haiñ 

maiñ apne gaañv meñ kyā kar rahā huuñ 

mirī har ik ġhazal aslī hai sāhab 

ka.ī barsoñ se dhanda kar rahā huuñ 

========

vaise tū mere makāñ tak tū chalā aatā hai 

phir achānak se tire zehn meñ kyā aatā hai 

aaheñ bhartā huuñ ki pūchhe koī aahoñ kā sabab 

phir tirā zikr nikaltā hai maza aatā hai 

tere ḳhat aaj latīfoñ kī tarah lagte haiñ 

ḳhuub hañstā huuñ jahāñ lafz-e-vafā aatā hai 

=======

baiThe-baiThe ik dam se chauñkātī hai 

yaad tirī kab dastak de kar aatī hai 

titlī ke jaisī hai merī har ḳhvāhish 

haath lagāne se pahle uḌ jaatī hai 

mere sajde raaz nahīñ rahne vaale 

us kī chaukhaT māthe ko chamkātī hai 

ishq meñ jitnā bhatko utnā hī achchhā 

ye gumrāhī manzil tak pahuñchātī hai 

pahlī pahlī baar ajab sā lagtā hai 

dhīre dhīre aadat sī ho jaatī hai 

tum us ko bhī samjhā kar pachhtāoge 

vo bhī mere hī jaisī jazbātī hai 

========

Zubair Ali Tabish is a poet of all moods and shades of life.  His recent anthology तुम्हारे बाद का मौसम is a fine collection of romance, philosophy and emotion   delicately  woven into nazms, ghazals and couplets. A double bachelor in Chemistry and Urdu language, this young, upcoming  poet  from Nagar Deola, Maharashtra is an absolute  show-stealer at the Mushairas and is extremely popular on social media as well. 

Source: Jashn-e-Rekhta

If you like our podcast please share it with your friends. Leave a review. Feedback is always welcome and much appreciated.

Abdul Raoof Siddiqui
email: raoof3@yahoo.com
 Instagram @urdu.ghazal