Jigar Moradabadi - Ghazal Ke Badshah

Ali Sikandar was popularly known as Jigar Moradabadi. He was one of the most admired Urdu poets of his time. He was from a family of poets, his father and paternal grand father were also poets. He was born in Moradabad, Uttar Pradesh in 1890 AD in erstwhile British India and passed away in 1960 AD in independent India. He was regarded as the King of Urdu Ghazal. His poetry is still alive and kicking even after 60 years of his death. 

Its very hard to pick the best of his best work but I have shared my favorite ghazals in this episode, there are still many I couldn’t share due to time constraints. I hope you will enjoy the work of Jigar Moradabadi.

If you like our podcast please share it with your friends. Leave a review. Feedback is always welcome and much appreciated.
Abdul Raoof Siddiqui
email: raoof3@yahoo.com
Instagram @urdu.ghazal
Visit our website: www.mstn.in
https://www.buymeacoffee.com/abdulsiddiqui


#urdupodcast #urdughazal #Jigarmoradabadi #urdupoetry

Thanks for listening! Follow us on instagram @urdu.ghazal and visit our website www.mstn.in

Transcript

ham ko miTaa sake ye zamaane me.n dam nahii.n
ham se zamaana KHud hai zamaane se ham nahii.n

Hum ne seenay se lagaya dil na apna ban saka
Muskura kar tumne dekha dil tumhara ho gaya
Apna zamana aap banate hain ahle-dil
Hum Vo Nahin ke jinko zamana bana gaya

Ibteda vo thi ke jeena tha mohabbat mein mohaal
Inteha yeh hai ke ab marna bhi mushkil ho gaya

Ye Ishq Nahin Asaan itna hi samjh li jiye
Ik Aag ka darya hai aur doob ke jaana hai

aadmii aadmii se miltaa hai
dil magar kam kisii se miltaa hai

Ishq Jab Tak Na kar chuke Ruswa
Admi Kaam ka nahin Hota

Yuun Zindagi guzaar raha huun tere baghair
Jaise koi gunaah kiye jaa raha huun main

Agla sher batata hai ke people who deal with difficult circumstances, change the world.

Jo Tufaanon mein palte jaa rahe hain
Vahi Duniya badalte jaa rahe hain

Humne aisa na koi dekhne vala dekhaa
jo yeh keh de ke Usne tera husn-e-saraapa dekhaa

Teri Ankhon ka kuch kasoor nahin
Haan mujh ko kharaab hona tha

Dono Haathon se loothe hai hamen
Kitni Zalim hai teri angdai

Meri zindagi to guzrii tere hijr ke Sahare
Meri maut ko bhi pyare koi chahiye bahana

Hamin jab na Hongay to kya rang-e-mehfil
Kise dekh kar aap sharmaye gaa

mohabbat me.n ik aisaa vaqt bhii dil par guzartaa hai
ki aa.nsuu KHushk ho jaate hai.n tuGyaanii nahii.n jaatii

sadāqat ho to dil sīnoñ se khiñchne lagte haiñ vaa.iz 
haqīqat ḳhud ko manvā letī hai maanī nahīñ jaatī 

Dil Ko Sukooon Rooh ko araam aa gaya
Maut aa gayi ke dost ka paighaam aa gaya

le ke KHat un kaa kiyaa zabt bahut kuchh lekin
thartharaate hu.e haatho.n ne bharam khol diyaa
========================

duniyā ke sitam yaad na apnī hī vafā yaad 
ab mujh ko nahīñ kuchh bhī mohabbat ke sivā yaad 

maiñ shikva ba-lab thā mujhe ye bhī na rahā yaad 
shāyad ki mire bhūlne vaale ne kiyā yaad 

chheḌā thā jise pahle-pahal terī nazar ne 
ab tak hai vo ik naġhma-e-be-sāz-o-sadā yaad 

jab koī hasīñ hotā hai sargarm-e-navāzish 
us vaqt vo kuchh aur bhī aate haiñ sivā yaad 

kyā jāniye kyā ho gayā arbāb-e-junūñ ko 
marne kī adā yaad na jiine kī adā yaad 

muddat huī ik hādsa-e-ishq ko lekin 
ab tak hai tire dil ke dhaḌakne kī sadā yaad 

haañ haañ tujhe kyā kaam mirī shiddat-e-ġham se 
haañ haañ nahīñ mujh ko tire dāman kī havā yaad 

maiñ tark-e-rah-o-rasm-e-junūñ kar hī chukā thā 
kyuuñ aa ga.ī aise meñ tirī laġhzish-e-pā yaad 

kyā lutf ki maiñ apnā pata aap batā.ūñ 
kiije koī bhūlī huī ḳhaas apnī adā yaad 
===
Koi Jeeta Koi Marta hi Raha
Ishq apna kaam karta hi raha

Vo Mitate hi Rahe magar ye Dil
Naqsh ban ban kar ubharta hi rahaa

Dhadkanay dil ki sabhi kuch kah gayi
Dil ko main khamoosh karta hi rahaa

Tumne nazren pheer li toh kya hua
Dil mein ik Nashtar utar ta hi rahaa

Hijaab e ishq ko ai dil bahut ghanimat jaan
Rahega Kyaa jo ye parda bhi darmiyaan na rahaa

gudaaz-e-ishq nahii.n kam jo mai.n javaa.n na rahaa
vahii hai aag magar aag me.n dhu.aa.n na rahaa
==============================================

allāh agar taufīq na de insān ke bas kā kaam nahīñ 
faizān-e-mohabbat aam sahī irfān-e-mohabbat aam nahīñ 

ye tū ne kahā kyā ai nādāñ fayyāzī-e-qudrat aam nahīñ 
tū fikr o nazar to paidā kar, kyā chiiz hai jo in.aam nahīñ 

yā-rab ye maqām-e-ishq hai kyā go dīda-o-dil nākām nahīñ 
taskīn hai aur taskīn nahīñ ārām hai aur ārām nahīñ 



aanā hai jo bazm-e-jānāñ meñ pindār-e-ḳhudī ko toḌ ke aa 
ai hosh-o-ḳhirad ke dīvāne yaañ hosh-o-ḳhirad kā kaam nahīñ 

zāhid ne kuchh is andāz se pī, saaqī kī nigāheñ paḌne lagīñ 
mai-kash yahī ab tak samjhe the shā.ista daur-e-jām nahīñ 

ishq aur gavārā ḳhud kar le be-shart shikast-e-fāsh apnī 
dil kī bhī kuchh un ke sāzish hai tanhā ye nazar kā kaam nahīñ 

sab jis ko asīrī kahte haiñ vo to hai amīrī hī lekin 
vo kaun sī āzādī hai yahāñ jo aap ḳhud apnā daam nahīñ 
===============================================


shā.er-e-fitrat huuñ jab bhī fikr farmātā huuñ maiñ 
ruuh ban kar zarre zarre meñ samā jaatā huuñ maiñ 

aa ki tujh bin is tarah ai dost ghabrātā huuñ maiñ 
jaise har shai meñ kisī shai kī kamī paatā huuñ maiñ 

jis qadar afsāna-e-hastī ko dohrātā huuñ maiñ 
aur bhī be-gāna-e-hastī huā jaatā huuñ maiñ 

jab makān-o-lā-makāñ sab se guzar jaatā huuñ maiñ 
allāh allāh tujh ko ḳhud apnī jagah paatā huuñ maiñ 

terī sūrat kā jo ā.īna use paatā huuñ maiñ 
apne dil par aap kyā kyā naaz farmātā huuñ maiñ 

yak-ba-yak ghabrā ke jitnī duur haT aatā huuñ maiñ 
aur bhī us shoḳh ko nazdīk-tar paatā huuñ maiñ 


hā.e-rī majbūriyāñ tark-e-mohabbat ke liye 
mujh ko samjhāte haiñ vo aur un ko samjhātā huuñ maiñ 

merī himmat dekhnā merī tabī.at dekhnā 
jo sulajh jaatī hai gutthī phir se uljhātā huuñ maiñ 

husn ko kyā dushmanī hai ishq ko kyā bair hai 
apne hī qadmoñ kī ḳhud hī Thokareñ khātā huuñ maiñ 

terī mahfil tere jalve phir taqāzā kyā zarūr 
le uThā jaatā huuñ zālim le chalā jaatā huuñ maiñ 

vāh-re shauq-e-shahādat kū-e-qātil kī taraf 
gungunātā raqs kartā jhūmtā jaatā huuñ maiñ 

ek dil hai aur tūfān-e-havādis ai 'jigar' 
ek shīsha hai ki har patthar se Takrātā huuñ maiñ 

========================


nazar milā ke mire paas aa ke luuT liyā 
nazar haTī thī ki phir muskurā ke luuT liyā 

shikast-e-husn kā jalva dikhā ke luuT liyā 
nigāh nīchī kiye sar jhukā ke luuT liyā 

duhā.ī hai mire allāh kī duhā.ī hai 
kisī ne mujh se bhī mujh ko chhupā ke luuT liyā 

salām us pe ki jis ne uThā ke parda-e-dil 
mujhī meñ rah ke mujhī meñ samā ke luuT liyā 

unhīñ ke dil se koī us kī azmateñ pūchhe 
vo ek dil jise sab kuchh luTā ke luuT liyā 

yahāñ to ḳhud tirī hastī hai ishq ko darkār 
vo aur hoñge jinheñ muskurā ke luuT liyā 

ḳhushā vo jaan jise dī ga.ī amānat-e-ishq 
rahe vo dil jise apnā banā ke luuT liyā 

nigāh Daal dī jis par hasīn āñkhoñ ne 
use bhī husn-e-mujassam banā ke luuT liyā 

baḌe vo aa.e dil o jaañ ke lūTne vaale 
nazar se chheḌ diyā gudgudā ke luuT liyā 

rahā ḳharāb-e-mohabbat hī vo jise tū ne 
ḳhud apnā dard-e-mohabbat dikhā ke luuT liyā 

koī ye luuT to dekhe ki us ne jab chāhā 
tamām hastī-e-dil ko jagā ke luuT liyā 

karishmā-sāzi-e-husn-e-azal are tauba 
mirā hī ā.īna mujh ko dikhā ke luuT liyā 

na luTte ham, magar un mast añkhḌiyoñ ne 'jigar' 
nazar bachāte hue DabDabā ke luuT liyā 



==========





āñkhoñ meñ bas ke dil meñ samā kar chale ga.e 
ḳhvābīda zindagī thī jagā kar chale ga.e 

husn-e-azal kī shaan dikhā kar chale ga.e 
ik vāqi.a sā yaad dilā kar chale ga.e 

chehre tak āstīn vo lā kar chale ga.e 
kyā raaz thā ki jis ko chhupā kar chale ga.e 

rag rag meñ is tarah vo samā kar chale ga.e 
jaise mujhī ko mujh se churā kar chale ga.e 

merī hayāt-e-ishq ko de kar junūn-e-shauq 
mujh ko tamām hosh banā kar chale ga.e 

samjhā ke pastiyāñ mire auj-e-kamāl kī 
apnī bulandiyāñ vo dikhā kar chale ga.e 

apne faroġh-e-husn kī dikhlā ke vus.ateñ 
mere hudūd-e-shauq baḌhā kar chale ga.e 

har shai ko merī ḳhātir-e-nāshād ke liye 
ā.īna-e-jamāl banā kar chale ga.e 

aa.e the dil kī pyaas bujhāne ke vāste 
ik aag sī vo aur lagā kar chale ga.e 

aa.e the chashm-e-shauq kī hasrat nikālne 
sar-tā-qadam nigāh banā kar chale ga.e 

ab kārobār-e-ishq se fursat mujhe kahāñ 
kaunain kā vo dard baḌhā kar chale ga.e 

shukr-e-karam ke saath ye shikva bhī ho qubūl 
apnā sā kyuuñ na mujh ko banā kar chale ga.e 
lab thartharā ke rah ga.e lekin vo ai 'jigar' 
jaate hue nigāh milā kar chale ga.e