Main Shayar Toh Nahin

A podcast celebrating Urdu, the language of love. An endeavor to preserve and promote Urdu Language and Literature. I am an urdu poetry enthusiast who grew up in Hyderabad, India. I was always attracted to poetry from a very young age, this love affair with poetry started with my admiration for good Hindi songs. I was always fascinated by songs that had meaningful lyrics, though tune and music are important but for me lyrics still remain the soul of the song. I slowly drifted towards ghazals and started reading the works of urdu poets. I started this podcast to create awareness about urdu literature and language. I cater to folks who cannot read the urdu script. I still consider myself a student of urdu. This endeavor has been extremely rewarding and fulfilling as I learn a lot about the works of great poets. I pursue this passion of mine in my spare time mostly on weekends. If you like this podcast. Please share it with your friends. Leave a review. Feedback is not only welcome but much appreciated. Abdul Raoof Siddiqui - email: raoof3@yahoo.com -Instagram @urdu.ghazal

All Episodes

Main Shayar Toh Nahin

Kaif Bhopali

February 11, 2023 • Abdul Raoof Siddiqui • Season 1 • Episode 74

Kafi Bhopali was a popular Urdu Poet & lyricist. His ancestors had moved from Kashmir to Lucknow and then to Bhopal. He also wrote songs for films. Chalo Dildar Chalo sung by Mohd. Rafi, in Kamal Amrohi's 1972 classic, Pakeezah was written by him. He also wrote some popular ghazals that were sung by Jagjit Singh. Kaif Bhopali's daughter Parveen Kaif is a noted poet who participates in mushairas.

Kaif Bhopali Real name Khwaja Mohammed Idrees
Born: 20 February 1917 | Lucknow Pradesh, India Died: 24 July 1991 | Bhopal Madhya Pradesh, India

Abdul Raoof Siddiqui
email: raoof3@yahoo.com
Instagram @urdu.ghazal
Visit our website: www.mstn.in

#urdupoetry #kaifbhopali

Thanks for listening! Follow us on instagram @urdu.ghazal and visit our website www.mstn.in

terā chehra kitnā suhānā lagtā hai

tere aage chāñd purānā lagtā hai

tirchhe tirchhe tiir nazar ke lagte haiñ

sīdhā sīdhā dil pe nishānā lagtā hai

aag kā kyā hai pal do pal meñ lagtī hai

bujhte bujhte ek zamānā lagtā hai

paañv nā bāñdhā, panchhī kā par bāñdhā

aaj kā bachcha kitnā siyānā lagtā hai

sach to ye hai, phuul kā dil bhī chhalnī hai

hañstā chehra ek bahānā lagtā hai

sunñe vaale ghanToñ sunte rahte haiñ

merā fasāna,, sab kā fasānā lagtā hai

'kaif' batā, kyā terī ġhazal meñ jaadū hai

bachcha bachcha terā divānā lagtā hai

haa.e logoñ kī karam-farmā.iyāñ

tohmateñ, badnāmiyāñ, rusvā.iyāñ

zindagī shāyad, isī kā naam hai

dūriyāñ, majbūriyāñ, tanhā.iyāñ

kyā zamāne meñ, yuuñ hī kaTtī hai raat

karvaTeñ, betābiyāñ, añgḌā.iyāñ

kyā yahī hotī hai, shām-e-intizār

āhaTeñ, ghabrāhaTeñ, parchhā.iyāñ

ek rind-e-mast, kī Thokar meñ haiñ

shāhiyāñ, sultāniyāñ, dārā.iyāñ

ek paikar meñ simaT kar, rah ga.iiñ

ḳhūbiyāñ, zebā.iyāñ, rānā.iyāñ

rah ga.iiñ, ik tifl-e-maktab, ke huzūr

hikmateñ, āgāhiyāñ, dānā.iyāñ

zaḳhm dil ke, phir hare karne lagīñ

badliyāñ, barkhā ruteñ, purvā.iyāñ

dīda-o-dānista, un ke sāmne

laġhzisheñ, nākāmiyāñ, paspā.iyāñ

mere dil kī, dhaḌkanoñ meñ, Dhal ga.iiñ

chūḌiyāñ, mausiqiyāñ, shahnā.iyāñ

un se mil kar, aur bhī kuchh baḌh ga.iiñ

uljhaneñ, fikreñ, qayās-ārā.iyāñ

'kaif' paidā kar, samundar kī tarah

vus.ateñ, ḳhāmoshiyāñ, gahrā.iyāñ

=======

kaun aa.egā yahāñ koī na aayā hogā

merā darvāza havāoñ ne hilāyā hogā

dil-e-nādāñ na dhaḌak, ai dil-e-nādāñ na dhaḌak

koī ḳhat le ke, paḌosī ke ghar aayā hogā

is gulistāñ kī yahī riit hai, ai shāḳh-e-gul

tū ne jis phuul ko paalā, vo parāyā hogā

dil kī qismat, hī meñ likkhā thā añdherā shāyad

varna masjid kā diyā, kis ne bujhāyā hogā

gul se lipTī huī, titlī ko girā kar dekho

āñdhiyo tum ne, daraḳhtoñ ko girāyā hogā

khelne ke liye, bachche nikal aa.e hoñge

chāñd ab, us kī galī meñ utar aayā hogā

'kaif' pardes meñ, mat yaad karo apnā makāñ

ab ke bārish ne use, toḌ girāyā hogā

terā chehra, sub.h kā taarā lagtā hai

sub.h kā taarā, kitnā pyārā lagtā hai

tum se mil kar, imlī mīThī lagtī hai

tum se bichhaḌ kar, shahad bhī khārā lagtā hai

raat hamāre saath tū jaagā kartā hai

chāñd batā tū, kaun hamārā lagtā hai

kis ko ḳhabar, ye kitnī qayāmat Dhātā hai

ye laḌkā jo, itnā bechāra lagtā hai

titlī chaman meñ, phuul se lipTī rahtī hai

phir bhī chaman meñ, phuul kañvārā lagtā hai

'kaif' , vo kal kā 'kaif' kahāñ hai aaj miyāñ

ye to koī, vaqt kā maarā lagtā hai =====

tujhe kaun jāntā thā, mirī dostī se pahle

tirā husn kuchh nahīñ thā, mirī shā.irī se pahle

idhar aa raqīb mere, maiñ tujhe gale lagā luuñ

mirā ishq be-mazā thā, tirī dushmanī se pahle

ka.ī inqilāb aa.e, ka.ī ḳhush-ḳhirām guzre

na uThī magar qayāmat, tirī kam-sinī se pahle

mirī sub.h ke sitāre, tujhe DhūñDtī haiñ āñkheñ

kahīñ raat Das na jaa.e, tirī raushnī se pahle

====

ye dāḌhiyāñ, ye tilak dhāriyāñ, nahīñ chaltīñ

hamāre ahd meñ, makkāriyāñ nahīñ chaltīñ

qabīle vāloñ ke dil joḌiye, mire sardār

saroñ ko kaaT ke, sardāriyāñ nahīñ chaltīñ

burā na maan, agar yaar kuchh burā kah de

diloñ ke khel meñ, ḳhuddāriyāñ nahīñ chaltīñ

chhalak chhalak paḌīñ, āñkhoñ kī gāgareñ aksar

sambhal sambhal ke ye, panhāriyāñ nahīñ chaltīñ

janāb-e-‘kaif', ye dillī hai 'mīr' o 'ġhālib' kī

yahāñ kisī kī taraf-dāriyāñ, nahīñ chaltīñ

People on this episode

Abdul Raoof Siddiqui

Host