Firaq Gorakhpuri

Firaq Gorakhpuri a prominent Urdu poet who reached unprecedented heights of fame & acclaim, he is considered one of the most influential and electrifying poets of his time. According to Dr. Khawaja Ahmad Farooqi, “If it were not for Firaq, the land of our ghazals would be dull, its ascension would not be more than it would be a carbon copy of Persian master’s ghazals or imitating dead and lifeless Iranian traditions. Firaq stirred a whole generation and still does. He played an important role in nurturing poetry and despite being a poet of beauty and love, he looked at these subjects from a new angle. He not only expressed his feelings and emotions but also presented various results of consciousness and perception. He introduced the readers to the standards and values not only of Urdu but also of world literature and at the same time developed a healthy ideology by emphasizing the powerful aspects of modernity, geography and civilization. Having paved the way, he showed Urdu ghazal new horizons of meaning, thought, word and expression.”

  Firaq Gorakhpuri Real name Raghupati Sahai 
  Born: 28 Aug 1896 | Gorakhpur, Uttar pradesh
  Died: 03 Mar 1982 | Delhi, India

  Awards: Sahitya Akademi Award (1960) | Jnanpith Award (1969)

   Abdul Raoof Siddiqui
   email: raoof3@yahoo.com
   Instagram @urdu.ghazal
   Visit our website: www.mstn.in

 #urdupoetry #firaqgorakhpuri

Source: rekhta.org 

AUTHORITY CONTROL :

The Library of Congress Control Number (LCCN) :  n84018287

Thanks for listening! Follow us on instagram @urdu.ghazal and visit our website www.mstn.in

Transcript

Raghupati Sahay Firaaq ke meray pasandeeda ashaar suniye.

sunte haiñ, ishq naam ke guzre haiñ ik buzurg 

ham log bhī faqīr, isī silsile ke haiñ 

shaam bhī thī dhuāñ dhuāñ, husn bhī thā udaas udaas 

dil ko ka.ī kahāniyāñ, yaad sī aa ke rah ga.iiñ

bahut pahle se un qadmoñ kī aahaT jaan lete haiñ 

tujhe ai zindagī, ham duur se pahchān lete haiñ 

tabī.at apnī ghabrātī hai jab, sunsān rātoñ meñ 

ham aise meñ, tirī yādoñ kī chādar taan lete haiñ

sar meñ saudā bhī nahīñ, dil meñ tamannā bhī nahīñ 

lekin is tark-e-mohabbat kā, bharosā bhī nahīñ

ek muddat se, tirī yaad bhī aa.ī na hameñ 

aur ham bhuul ga.e hoñ tujhe, aisā bhī nahīñ 

tum muḳhātib bhī ho, qarīb bhī ho 

tum ko dekheñ, ki tum se baat kareñ

ham se kyā ho sakā mohabbat meñ 

ḳhair tum ne to, bevafā.ī kī

maiñ huuñ, dil hai, tanhā.ī hai 

tum bhī hote, achchhā hotā 

na koī va.ada, na koī yaqīñ, na koī umiid 

magar hameñ to, tirā intizār karnā thā

aa.e the hañste khelte mai-ḳhāne meñ 'firāq' 

jab pī chuke sharāb, to sanjīda ho ga.e 

koī samjhe to, ek baat kahūñ 

ishq taufīq hai, gunāh nahīñ 

maut kā bhī, ilaaj ho shāyad 

zindagī kā koī ilaaj, nahīñ 

raat bhī, niiñd bhī, kahānī bhī 

haa.e kyā chiiz hai, javānī bhī 

tere aane kī, kyā umiid magar 

kaise kah duuñ ki, intizār nahīñ

ab to un kī yaad bhī, aatī nahīñ 

kitnī tanhā ho ga.iiñ, tanhā.iyāñ 

jo uljhī thī kabhī, aadam ke hāthoñ 

vo gutthī aaj tak, suljhā rahā huuñ 

aaj āġhosh meñ thā, aur koī 

der tak, ham tujhe na bhuul sake

kahāñ kā vasl, tanhā.ī ne shāyad bhes badlā hai 

tire dam bhar ke mil jaane ko, ham bhī kyā samajhte haiñ 

merī ghuTTī meñ paḌī thī ho ke hal urdu zabāñ 

jo bhī maiñ kahtā gayā husn-e-bayāñ bantā gayā 

vo rātoñ-rāt 'sirī-krishn' ko uThā.e hue 

balā kī qaid se 'basdev' kā nikal jaanā 

isī khañDar meñ, kahīñ kuchh diye haiñ TuuTe hue 

inhīñ se kaam chalāo, baḌī udaas hai raat

vaqt-e-ġhurūb aaj karāmāt ho ga.ī 

zulfoñ ko us ne khol diyā raat ho ga.ī 

kamī na kī tire vahshī ne, ḳhaak uḌāne meñ 

junūñ kā naam, uchhaltā rahā zamāne meñ 

hazār baar, zamāna idhar se guzrā hai 

na.ī na.ī sī hai kuchh, terī rahguzar phir bhī 

vaqt-e-pīrī dostoñ kī be-ruḳhī kā kyā gilā 

bach ke chalte haiñ sabhī girtī huī dīvār se 

kam se kam maut se aisī mujhe ummīd nahīñ 

zindagī tū ne to dhoke pe diyā hai dhoka 

ik umr kaT ga.ī hai, tire intizār meñ 

aise bhī haiñ, ki kaT na sakī jin se, ek raat 

sitāroñ se ulajhtā, jā rahā huuñ 

shab-e-furqat, bahut ghabrā rahā huuñ 

tire ġham ko bhī kuchh, bahlā rahā huuñ 

jahāñ ko bhī samajhtā, jā rahā huuñ 

yaqīñ ye hai, haqīqat khul rahī hai 

gumāñ ye hai, ki dhoke khā rahā huuñ 

agar mumkin ho, le le apnī aahaT 

ḳhabar do husn ko, maiñ aa rahā huuñ 

hadeñ, husn-o-mahabbat kī milā kar 

qayāmat par, qayāmat Dhā rahā huuñ 

ḳhabar hai tujh ko, ai zabt-e-mahabbat 

tire hāthoñ meñ luTtā, jā rahā huuñ 

asar bhī le rahā huuñ, terī chup kā 

tujhe qaa.il bhī, kartā jā rahā huuñ 

bharam tere sitam kā, khul chukā hai 

maiñ tujh se aaj, kyuuñ sharmā rahā huuñ 

unhīñ meñ raaz haiñ, gul-bāriyoñ ke 

maiñ jo, chiñgāriyāñ barsā rahā huuñ 

jo un ma.asūm āñkhoñ ne, diye the 

vo dhoke aaj tak maiñ khā rahā huuñ 

tire pahlū meñ kyuuñ hotā hai mahsūs 

ki tujh se duur hotā jā rahā huuñ 

had-e-jor-o-karam se baḌh chalā husn 

nigāh-e-yār ko, yaad aa rahā huuñ 

jo uljhī thī kabhī, aadam ke hāthoñ 

vo gutthī aaj tak, suljhā rahā huuñ 

mahabbat ab, mahabbat ho chalī hai 

tujhe kuchh bhūltā sā, jā rahā huuñ 

ajal bhī, jin ko sun kar, jhūmtī hai 

vo naġhme zindagī ke, gā rahā huuñ 

ye sannāTā hai, mere paañv kī chaap 

'firāq' apnī kuchh aahaT, pā rahā huuñ 

raat bhī, niiñd bhī, kahānī bhī 

haa.e kyā chiiz hai, javānī bhī 

ek paiġhām-e-zindagānī bhī 

āshiqī marg-e-nā-gahānī bhī 

is adā kā tirī, javāb nahīñ 

mehrbānī bhī, sargirānī bhī 

dil ko apne bhī, ġham the duniyā meñ 

kuchh balā.eñ thiiñ, āsmānī bhī 

mansab-e-dil, ḳhushī luTānā hai 

ġham-e-pinhāñ kī, pāsbānī bhī 

dil ko sho.aloñ se, kartī hai sairāb 

zindagī aag bhī hai, paanī bhī 

shād-kāmoñ ko, ye nahīñ taufīq 

dil-e-ġham-ghīñ kī, shādmānī bhī 

laakh husn-e-yaqīñ se, baḌh kar hai 

un nigāhoñ kī, bad-gumānī bhī 

ishq-e-nākām kī hai, parchhā.īñ 

shādmānī bhī, kāmrānī bhī 

dekh dil ke nigār-ḳhāne meñ 

zaḳhm-e-pinhāñ kī hai, nishānī bhī 

ḳhalq, kyā kyā, mujhe nahīñ kahtī 

kuchh sunūñ maiñ, tirī zabānī bhī 

aa.e tārīḳh-e-ishq meñ, sau baar 

maut ke daur-e-darmiyānī bhī 

apnī ma.asūmiyat ke parde meñ 

ho ga.ī vo nazar, siyānī bhī 

din ko sūraj-mukhī hai, vo nau-gul 

raat ko hai vo, rāt-rānī bhī 

dil-e-bad-nām, tere baare meñ 

log kahte haiñ, ik kahānī bhī 

vaz.a karte, koī na.ī duniyā 

ki ye duniyā huī, purānī bhī 

dil ko ādāb-e-bandagī bhī, na aa.e 

kar ga.e log, hukmarānī bhī 

jaur-e-kam-kam kā shukriya, bas hai 

aap kī, itnī mehrbānī bhī 

dil meñ ik huuk bhī uThī, ai dost 

yaad aa.ī, tirī javānī bhī 

sar se pā tak, supurdagī kī adā 

ek andāz-e-turkamānī bhī 

paas rahnā kisī kā, raat kī raat 

mehmānī bhī, mezbānī bhī 

ho na, aks-e-jabīn-e-nāz ki hai 

dil meñ ik, nūr-e-kahkashānī bhī 

zindagī, ain dīd-e-yār 'firāq' 

zindagī hijr kī, kahānī bhī 

kisī kā yuuñ to huā kaun, umr bhar phir bhī 

ye husn-o-ishq to dhokā hai sab, magar phir bhī 

hazār baar zamāna, idhar se guzrā hai 

na.ī na.ī sī hai kuchh, terī rahguzar phir bhī 

kahūñ ye kaise idhar dekh, yā na dekh udhar 

ki dard, dard hai phir bhī, nazar, nazar phir bhī 

ḳhushā ishāra-e-paiham, zahe sukūt-e-nazar 

darāz ho ke fasāna hai, muḳhtasar phir bhī 

jhapak rahī haiñ zamān-o-makāñ kī bhī, āñkheñ 

magar hai qāfila, āmāda-e-safar phir bhī 

shab-e-firāq se aage hai, aaj merī nazar 

ki kaT hī jā.egī, ye shām-e-be-sahar phir bhī 

kahīñ yahī to nahīñ, kāshif-e-hayāt-o-mamāt 

ye husn-o-ishq ba-zāhir haiñ, be-ḳhabar phir bhī 

palaT rahe haiñ ġharīb-ul-vatan, palaTnā thā 

vo kūcha rū-kash-e-jannat ho, ghar hai ghar, phir bhī 

luTā huā chaman-e-ishq hai, nigāhoñ ko 

dikhā gayā vahī kyā kyā, gul-o-samar phir bhī 

ḳharāb ho ke bhī, sochā kiye, tire mahjūr 

yahī, ki terī nazar hai, tirī nazar phir bhī 

ho be-niyāz-e-asar bhī kabhī, tirī miTTī 

vo kīmiyā hī sahī, rah ga.ī kasar phir bhī 

lipaT gayā tirā dīvāna, garche manzil se 

uḌī uḌī sī hai ye, ḳhāk-e-rahguzar, phir bhī 

tirī nigāh se bachne meñ, umr guzrī hai 

utar gayā rag-e-jāñ meñ, ye neshtar phir bhī 

ġham-e-firāq ke kushtoñ kā hashr, kyā hogā 

ye shām-e-hijr to, ho jā.egī sahar phir bhī 

fanā bhī ho, ke girāñ-bārī-e-hayāt na pūchh 

uThā.e uTh nahīñ saktā, ye dard-e-sar phir bhī 

sitam ke rañg haiñ, har iltifāt-e-pinhāñ meñ 

karam-numā haiñ tire jaur, sar-ba-sar phir bhī 

ḳhatā-muāf, tirā afv bhī hai, misl-e-sazā 

tirī sazā meñ hai, ik shān-e-dar-guzar phir bhī 

agarche be-ḳhudī-e-ishq ko zamāna huā 

'firāq' kartī rahī kaam, vo nazar phir bhī 

bahut pahle se, un qadmoñ kī aahaT jaan lete haiñ 

tujhe ai zindagī, ham duur se pahchān lete haiñ 

mirī nazreñ bhī, aise qātiloñ kā jaan-o-īmāñ haiñ 

nigāheñ milte hī, jo jaan aur īmān lete haiñ 

nigāh-e-bāda-gūñ, yuuñ to tirī bātoñ kā kyā kahnā 

tirī har baat lekin, ehtiyātan chhān lete haiñ 

tabī.at apnī ghabrātī hai jab, sunsān rātoñ meñ 

ham aise meñ, tirī yādoñ kī chādar taan lete haiñ 

ḳhud apnā faisla bhī, ishq meñ kaafī nahīñ hotā 

use bhī kaise kar guzreñ, jo dil meñ Thaan lete haiñ 

ham-āhañgī meñ bhī, ik chāshnī hai iḳhtilāfoñ kī 

mirī bāteñ, ba-unvān-e-digar vo maan lete haiñ 

ab is ko kufr māneñ, yā bulandī-e-nazar jāneñ 

ḳhudā-e-do-jahāñ ko de ke, ham insān lete haiñ 

jise sūrat batāte haiñ, pata detī hai sīrat kā 

ibārat dekh kar jis tarah, ma.anī jaan lete haiñ 

tujhe ghāTā na hone deñge, kārobār-e-ulfat meñ 

ham apne sar, tirā ai dost har ehsān lete haiñ 

hamārī har nazar, tujh se na.ī saugandh khātī hai 

to terī har nazar se ham, nayā paimān lete haiñ 

rafīq-e-zindagī thī, ab anīs-e-vaqt-e-āḳhir hai 

tirā ai maut, ham ye dūsrā ehsān lete haiñ 

zamāna vārdāt-e-qalb sunñe ko, tarastā hai 

isī se to sar āñkhoñ par, mirā dīvān lete haiñ 

'firāq' aksar, badal kar bhes miltā hai koī kāfir 

kabhī ham jaan lete haiñ, kabhī pahchān lete haiñ 

=======

sar meñ saudā bhī nahīñ, dil meñ tamannā bhī nahīñ 

lekin is tark-e-mahabbat kā, bharosā bhī nahīñ 

dil kī gintī na yagānoñ meñ, na begānoñ meñ 

lekin us jalva-gah-e-nāz se, uThtā bhī nahīñ 

mehrbānī ko, mahabbat nahīñ kahte ai dost 

aah, ab mujh se tirī ranjish-e-bejā bhī nahīñ 

ek muddat se, tirī yaad bhī aa.ī na hameñ 

aur ham bhuul ga.e hoñ tujhe, aisā bhī nahīñ 

aaj ġhaflat bhī, un āñkhoñ meñ hai pahle se sivā 

aaj hī ḳhātir-e-bīmār, shakebā bhī nahīñ 

baat ye hai ki, sukūn-e-dil-e-vahshī kā maqām 

kunj-e-zindāñ bhī nahīñ, vus.at-e-sahrā bhī nahīñ 

are sayyād, hamīñ gul haiñ hamīñ bulbul haiñ 

tū ne kuchh aah, sunā bhī nahīñ, dekhā bhī nahīñ 

aah ye majma-e-ahbāb, ye bazm-e-ḳhāmosh 

aaj mahfil meñ, 'firāq'-e-suḳhan-ārā bhī nahīñ 

ye bhī sach hai ki, mahabbat pe nahīñ maiñ majbūr 

ye bhī sach hai ki, tirā husn kuchh aisā bhī nahīñ 

yuuñ to hañgāme uThāte nahīñ, dīvāna-e-ishq 

magar ai dost, kuchh aisoñ kā Thikānā bhī nahīñ 

muñh se ham apne, burā to nahīñ kahte ki 'firāq' 

hai tirā dost magar, aadmī achchhā bhī nahīñ